|
1. Bragningr réð í blóði,
beið herr konungs reiði,
(hús lutu) opt (fyr eisum)
óþjóðar slǫg rjóða.
2. Haralds frák Halfdan spyrja
herðibrǫgð, en lǫgðis
sýnisk svartleitr reyni
sjá bragr, ens hárfagra.
3. Þvít ríkr konungr rekka,
reyr undlagar dreyra
morðs þás merkja þorðu
magnendr, bjósk at fagna.
4. Hvar vitu einka ǫrvir
ǫrveðrs frama gǫrvan
tinglrýrǫndum tungla
tveir jǫfrar vegmeira?,
an geðharðir gerðu
golls landrekar þollum
(upp angr of hófsk yngva)
óblinds fyr lof Sindra.
5. Hróðr vann hringa stríðir
Haralds framm kveðinn ramman;
Gotþormr hlaut af gæti
góð laun kveðins óðar;
raunframra brá rimmu
runnr skjǫldunga gunnar;
áðr bjósk herr til hjǫrva
hreggs dǫglinga tveggja.
|
2. Шаг сей грозный князя
Стал известен Хальвдану,
Но, знать, для мечедержца
Черны мои речи.
|
